काठमाडौंः स्थानीय तहको निर्वाचन दुई चरणमा हुने भएको छ। सिंहदरबारमा अाइतबार बसेको मन्त्रिपरिषदको बैठकले मधेसवादी दलहरुसँग भएको सहमति अनुसार दुई चरणमा चुनाव गर्ने निर्णय गरेको सूचना तथा सञ्चारमन्त्री सुरेन्द्रबहादुर कार्कीले जानकारी दिनुभयो।
बैठकले पहिलो चरण बैशाख ३१ मै प्रदेश नम्बर ३, ४ र ६ नम्बरको र दोस्रो चरणमा जेठ २९ गते १, २, ५ र ७ नम्बर प्रदेशमा निर्वाचन गराउने निर्णय गरेको मन्त्री कार्कीले बताउनुभयो।
मन्त्रिपरिषदको बैठकले निर्वाचनको कार्यतालिका सार्न निर्वाचन आयोगलाई लिखित आग्रह गर्ने निर्णय गरेको पनि गरेको छ। कार्कीका अनुसार उम्मेदवारको मनोनयन पत्र दर्ताका लागि तोकिएको वैशाख १६ गतेको समय २० गतेका लागि सार्न पनि निर्वाचन आयोगलाई अनुरोध गरिनेछ।
साभार: अन्नपूर्ण पोष्ट
No comments:
Post a Comment