गोरुले हान्दा ९ वर्षीया बालिकाको मृत्यु

 भगीरथ अवस्थी आइतवार, बैशाख १०, २०७४

बैतडीः गोरुले हान्दा बैतडीमा एक बालिकाको मृत्यु भएको छ। बैतडीको सुर्नया गाउँपालिका–६ बरायलगाडाका अमर कुँवरकी ९ वर्षीया छोरी जानकी कुँवरको ज्यान गएको हो। शनिबार दिउँसो २ बजेतिर गोठालो गएकी जानकीलाई गोरुले हान्दा घाइते भएकी थिइन्। घाइते जानकीको आइतबार अस्पताल लैजाँदै गर्दा ज्यान गएको पारिवारिक स्रोतले जनाएको छ।

स्थानीय केदार आधारभूत विद्यालयमा कक्षा ४ मा अध्ययनरत बालिका कुँवरलाई शनिबार गोरुले हानेपनि उहाँलाई अस्पताल नलगेर धामीझाँक्रीलाई देखाएको र आइतबार दिउँसो स्वास्थ्यचौकी लैजाँदै गर्दा बाटोमै मृत्यु भएको मृतकका बुवा अमर कुँवरले बताउनुभयो।

बालिकाको आइतबार दिउँसो १२ बजे बिजयपुर स्वास्थ्यचौकी लैजाँदै गर्दा लेटिदोबाटा भन्ने ठाउँमा मृत्यु भएको जिल्ला प्रहरी कार्यालय बैतडीले जनाएको छ।

साभार: अन्नपूर्ण पोष्ट