कोही छ माइकालाल यी सारिएका सवै क्षेत्रीय कार्यालय पुन धरानमा पुनस्थापर्ना गर्न धराने हनुमान ? प्रदिप मेन्याङ्बो

धरानमा  के के थिए ? अनि कसरी इतिहास बने ? विवेक नपुर्‍याए अव फेरि त्यो इतिहासको पनि कसरी पतन हुदैछ यसो मनन गर्ने की  । झक्झकाएको मात्र है ।
कुनै समय कोशी अंचलको सदरमुकाम धरान थियो, त्यसबेला देखि हालसम्ममा धरानमा रहेका क्षेत्रीय शिक्षा निर्देशनालय  धनकुटा सारिया,  राष्ट्रि बाणीज्य बैंकको क्षेत्रीय  कार्यालय विराटनगर पुऱ्याइयो,  धरान –१६ मा प्रमाणपत्र तहसम्म अध्ययन हुने मेडिकल कलेज पनि थियो, त्यो पनि महाराजगंज काठमाण्डौमा रातारात सारियो । नापतौल तथा गुण नियन्त्रण विभागको क्षेत्रीय कार्यालय पनि विराटनगर
 रातारात सारियो । क्षेत्रीय अस्पताल थियो, त्यसलाई पनि विराटनगर नै गाभियो, अंचल अदालत थियो बहुदल पछि पुनरावेदन अदालत नामाकरण गर्ना साथ त्यो पनि उतै विराटनगर सारियो । व्रिटिस घोपा क्याम्प थियो पनि पोखरा पुग्यो । केन्द्रीय प्रविधि क्याम्पसको आधारमा खाद्य प्रयोगशालाको क्षेत्रीय कार्याललय थियो त्यो पनि विराटनगर सारियो, यातायात  लाइसन् लिने कार्यालय पनि इटहरी सारियो । कृषी विकासको क्षेत्रीय कार्यालय सारेर डुवान डुवान क्षेत्र विराटनगर पुर्‍याइयो । फुश्रेमा आर्मिको जनरल बस्ने ठुलै कार्यालय थियो अहिले विपतव्यबस्थापन गर्ने सानो टुकटीमात्र बस्ने व्यबस्थामा सिमीत गरियो । पछिल्लो मायमा यसैको निरन्तरतास्वरुप नेपाल टेलिकमको लेखा र प्रसासन फांटलाई इटहरी सारिएको छ । अव सार्नो पालो विपि प्रतिष्ठान कोइराला स्वास्थ्य विज्ञान प्रतिष्ठानको छ । किन की त्यहा बन्द अड्ताल तालाबन्दी धर्ना, नभएको कुनै साता छैन । पहिले रातारात सत्ता र शक्तिको प्रयोग गरेर रातारात यतिका धेरै क्षोत्रीय स्तरका महत्वपुर्ण सरकारी कार्यालयहरु अन्यत्र सार्नु अर्थ धरानलेले राष्ट्रिय स्तरको पहुच भएको कुनै हनुमाने नेता कार्यकर्ता जन्माउन नसक्नु वा तयार गर्न नसक्नु हो । यति धेरै सरकारी कार्यालय धरानमै आजपर्यन्त संचालनमा रहेको भए यो धरान अझ कस्तो हुन्थ्यो होला ? कसैले कल्पना गरेको छ ? नाथे टेलिकमको लेखा र प्रसासन फांट त सारको थाहा नपाउने हामी के घमण्ड गर्नु हाउ ?  अव एउटा इतिहासको एउटा पाठ्यक्रम बनाउन मात्र बांकी छ धरानमा यी यी सरकारी कार्यालय थिए रे ती सवै अन्यत्र सारिए रे धरानप्रति चासो भएका योग्य दक्ष पहुचवाला व्यक्तिको अभावमा भनेर आजका नया पुस्तालाई जानकारी दिदै पढाउनकालागि  । त्यसबेला सार्न सक्ने भए शायद बुढासुव्वा, दन्तकाली, पिण्डेश्वर वावाधाम पनि सार्थे होलान् । कोही छ माइकालाल यी सारिएका सवै क्षेत्रीय कार्यालय पुन धरानमा पुनस्थापर्ना गर्न धराने हनुमान ?

 नत्रकसैले पनि फुईंयाँ नलाए भो । म यस्तो नेता, म यस्तो पार्टीको मेम्बर, मेरो पहुच केन्द्र सम्म छ भनेर । अव छलेनको सडकमा पनि लफडा सुरु भएको छ त्यो पनि विवाद नसुल्झे अवको दश बर्षमा यो धरान बस्न लायक हुदैन । त्यतिन्जेलमा यो विपि प्रतिष्ठान पनि विवादै विवादको झमेलामा फसेर कुनै बेला पटनामा भारतकै नामी अस्पताल थियो रे अहिले कम्पोडर पनि नबस्ने अस्पपताल बने जस्तै अवको एक दशकमा हुन सक्छ । विवेक प्रयोग गर स्वार्थको लागि होइन सामुहकिताको लागि । शिक्षा, स्वास्थ्य, पर्यटन, खेलकुद,  सांस्कृतिक समावेशी शहरको रुपमा विकास गर्ने हो भने दलीय स्वार्थलाई छाडेर धरानमा नमूनाको रुपमा रहेको केन्द्रीय प्रविधि क्याम्पस, पुर्वाञ्चल इन्जिनियरिङ क्याम्पस र त्यहाको रहेको मुलुकै एकमात्र कृषी इन्जिनियरिङ कार्यक्रम, पिण्डेश्वर विद्यापिठ क्याम्पस, महेन्द्र बहुमुखी क्याम्पस, विपि प्रतिष्ठान, छलेनको राष्ट्रिय योजना, धरान खानेपानी आयोजनालाई स्तरउन्नती गर्न एकजुट  बन्नुको विकल्पछैन । अव सवै पैसाकै पछि , स्वार्थकै पछि, कमिसनकै पछि  लागेर आफुलाई भए पुग्यो अरु सवै भाँड में जाए भन्ने हो भने धरानको इतिहासका पनि पतन चाडै हुदैछ ।कुनै बेलाको नगर देखि गाउउन्मुख भद्रपुर र इनरुवा बने जस्तै ।