प्रकाश दिप्साली राई
बराहक्षेत्र, नडाहा
मोरङको केराबारी गाउँपालिका वार्ड नं. ५, सतिसालेमा रहेको सावित्री मा.वि.मा यसै वर्षदेखि उच्च शिक्षा सञ्चालन हुने भएको छ ।
साविकको याङ्शिला गा.वि.स. वर्डा नम्बर ८ सतिसालेमा रहेको २०३० सलमा स्थापित सो विद्यालय हालसम्म माध्यमिक तह सम्म सञ्चालन हुँदै आएका थियो । गत वैसाख २१ गते बसेको आमभेलाले यही वर्षदेखि कक्षा ११–१२ सञ्चालन गर्ने निर्णय गरेको थियो । सो आमभेलाले व्यबस्थापन र शिक्षा संकाय अध्यापन गराउने निर्णयलाई कार्यान्वयन गर्न स्थानियबासी, बुद्धिजिबी, शिक्षासेवी, समाजसेवी तथा सरोकारवालाहरु एकसाथ जुटेका छन् । । यो निर्णयलाई प्रभावकारी रुपमा अघि बढाउन समिति समेत गठन गरिएको छ ।
विद्यालय व्यबस्थापन समितिका अध्यक्ष विमल राईको अध्यक्षतामा २५ सदस्यीय आर्थिक संकलन समिति गठन गरिएको छ । सो समितिले उच्च शिक्षा सञ्चालनका निम्ति आवश्यकिय रकम संकलनन गर्नुकासाथै विविध पुर्वाधारहरुको समेत व्यबस्थापन गर्नेछ । उक्त येजना सफल पार्नका निम्ति सो समितिले सहयोगको समेत अपिल गरेको छ ।
समितिका संयोजक बिमल राईका अनुसार केराबारी गाउँपालिका, गाउँपालिकाका वडाहरुले सहयोग गर्ने प्रतिबद्धता जनाइसकेका छन् । यस्तै स्थानिय, समाजसेवी, पूर्व विद्यार्थीहरु अनि प्रवासमा रहेका शुभेच्छुक, शुभचिन्तकहरुमा समेत सहयोगको निम्ति आह्वान गरिएको छ । सहयोग गर्ने क्रम पनि सुरु भइसकेको उनको भनाई छ । सहयोगको श्रीगणेश सोही विद्यालयका पूर्व विद्यार्थी कुमार बस्नेतले गरेको पनि उनले बताए । समितिका सदस्य सचिव तथा विद्यचालयका प्रधानाध्यापक देवमान लिम्बुका अनुसार सो कार्य सम्पन्न गर्न करिब ४५ लाखको हाराहारीमा बजेट चाहिने छ साथै उच्च शिक्षाका लागि भौतिक संरचना भने निर्माण गर्न थालिसकिएको बताए । साथै सहयोग गर्ने सहयोगीदाताहरुलाई विभिन्न तहमा राखेर शिलान्यास कार्यक्रमका दिन सम्मान गर्ने पनि उनले बताए ।
कुनै बेला उच्च शिक्षा हासिल गर्नका निम्ति धरान, केराबारी तथा इटहरी सम्म पुग्नु पथ्र्यो । वर्षाको समयमा खोला बाढीको कारणले कैयौंले पढाई छुटाउनु पथ्र्यो । तर अब त्यो समस्याबाट मुक्त भएको स्थानियहरुको बुझाई रहेको छ । विद्यार्थीहरु पनि आफ्नै विद्यालयमा उच्च शिक्षा हासिल गर्न पाउने भए पछि अत्यन्तै खुशी रहेको पूर्व विद्यार्थी एवम विद्यालयका सहयोगी कर्मचारी टंकबहादुर श्रेष्ठले बताए ।
यो समाचार नयाँ अनलाइन डटकम बाट साभार गरीएको छ ।
No comments:
Post a Comment